Македонија речиси сигурно ќе биде ослабен на завршните две средби од претвалификациите против Словачка и Норвешка, откако Ненад Димитријевиќ отпадна од комбинација за настап за „црвено-жолтите“. Одличниот плејмејкер игра во извонредна форма за Уникс, и федерацијата и кошаркарот направија се што можеа за тој да биде на располагање на селекторот Јончевски, но фактот дека Уникс за време на овој прозорец има важен меч со Зенит се покажа пресуден за Димитријевиќ да не добие дозвола да го напушти својот клуб.
Селекторот Јончевски денеска го објави поширокиот список на кошаркари во пресрет на овој февруарски прозорец на ФИБА, а наскоро се очекува и скратениот список на играчи кои ќе треба да се појават на тренинг почнувајќи од понеделник.
Сениорите ќе одржат неколку тренинзи во Скопје, а веќе во вторник ќе заминат за Словачка, каде во Левице ќе го одиграат првиот натпревар од овој прозорец на 23.02.2023 година. Ден подоцна репрезентацијата ќе замине за Осло каде на 26.02.2023 година ќе го одигра последниот натпревар во овој трет претквалификациски прозорец.
Првиот тренинг на репрезентацијата е закажан за 20.02.2023, со почеток во 10:00 часот, во СРЦ Кале.
ПОШИРОК СПИСОК НА ПОВИКАНИ КОШАРКАРИ
1. Бобан Стајиќ – Пелистер
2. Кристијан Николов – Torku Konyaspor B.K.
3. Андреј Магдевски – Donar Groningen
4. Војдан Стојановски – МЗТ Скопје Аеродром
5. Дамјан Робев – МЗТ Скопје Аеродром
6. Адем Мекиќ – BC Timisoara
7. Андреј Јакимовски – NCAA Washington State University
8. Филип Бакоч – Работнички
9. Виктор Ефремовски – Гостивар
10. Ненад Димитријевиќ – UNICS Kazan
11. Андреј Шошкиќ – Работнички
12. Андреј Митревски – Феникс 2010
13. Виктор Ташовски – ТФТ Mozzart Скопје
14. Бојан Крстевски – МЗТ Скопје Аеродром
15. ТиЏеј Шортс – Telekom Baskets Bonn
16. Теодор Симиќ – Igokea
17. Амар Хот – Феникс 2010
18. Стојан Ѓуроски – Club Ourense Baloncesto SAD
19. Ваљмир Какруки – Sigal Prishtina
20. Димитар Пандев – МЗТ Скопје Аеродром
21. Лејсон Зеќири – Sigal Prishtina
22. Андреј Маслинко – Пелистер
23. Максим Митевски – Гостивар
24. Страхил Николов – ТФТ Mozzart Скопје
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
