На вчерашното мадридско дерби, играчот на Атлетико Реинилдо заработи тешка повреда поради која ќе биде надвор од терените во следните шест месеци.
29-годишниот интернационалец од Мозамбик мораше да го напушти теренот во 23. минута поради повреда, а подоцнежните анализи ќе покажат дека станува збор за кинење на вкрстените лигаменти, повреда поради која ќе мора да паузира најмалку шест месеци.
„За жал остануваме без Реинилдо во следните 6-7 месеци. Тој заработи тешка повреда“, изјави Симеоне по мечот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
