Македонскиот фудбалски второлигаш излезе со обвинувања пред денешниот меч против Локомотива Пехчево дека нивниот тренер и тренерот на голманите биле физички нападнати во соблекувалната.
Како што велат им биле упатени закани дека ќе се искористи и огнено оружје.
Во продолжение ви го пренесуваме целото соопштение.
„Скандал пред почетокот на натпреварот од ВТОРАТА МАКЕДОНСКА ФУДБАЛСКА ЛИГА помеѓу ФК Пехчево Скопје и ФК Беласица. Во гостинската соблекувална на игралиштето на Фортуна, со нула обезбедување од страна на полициска служба, нашиот тренер и тренерот на голмани беа физички нападнати со тупаници и шлаканици од засега неидентификувани лица, додека кон нашите фудбалери и стручен штаб беа упатени закани дека ќе биде искористено и огнено оружје!!! Нека биде запознаена македонската јавност дека фудбалот во нашата земја е уште далеку од оној европскиот“, стои во соопштението на ФК Беласица.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
