Менаџерот на Арсенал, Микел Артета говореше за објавите на неколку шпански и англиски медиуми кои го поврзуваа одличниот млад тренер со преминување во најтрофејниот европски клуб Реал Мадрид.
Претседателот на клубот Флорентино Перез наводно гледа во Артета идеална замена за Карло Анчелоти.
„Тренерите и играчите не можат да го контролираат тоа што го објавуваат медиумите. Можам само да кажам дека сум фокусиран на она што го правам во Арсенал и сум исклучително горд и благодарен за она што го правам во овој фудбалски клуб. Тоа е се“, изјави Микел Артета.
По 26 кола, Арсенал е на чело на Премиер-лигата со пет бода повеќе од шампионот Манчестер Сити. Во исто време Реал Мадрид заостанува девет бода зад лидерот Барселона во Шпанија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
