Тренерот на Манчестер Сити, Пеп Гвардиола го коментираше однесувањето на неговиот фудбалер Кајл Вокер, откако бил обвинет за недолично однесување во еден паб во Манчестер. Шпанецот кажа дека тоа однесување е „приватна работа“.
Британската полиција отвори истрага против англискиот репрезентативец, кој е обвинет дека Вокер двапати ги соблекува панталоните. Инцидентот наводно се случил минатата недела, еден ден откако Сити го победи Њукасл.
„Тоа е приватна работа. Тоа го решаваме интерно со нив. Ова не е место за разговор околу приватните работи“, рече Гвардиола.
Фудбалерот ги негираше обвинувања и оваа недела тренираше со екипата. Запрашан а тоа дали играчите треба бидат повнимателни во однесувањето надвор од теренот, Гвардиола рече:
„Ситуацијата е сосема поинаква од пред неколку години. Тие тоа го знаат. Кога ќе излезете од дома, морате да знаете дека ќе бидете снимени што и да правите. Тоа е дел од друштвото“, коментираше Пеп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
