По триумфот во последното коло од АБА лигата против ФМП, пред МЗТ Скопје денеска е нов предизвик со тим од главниот град на Србија, овој пат против екипата на Мега во натпревар кој е закажан со почеток од 12 часот.
Аеродромци оваа сезона веќе забележаа една победа против српскиот тим на натпреварот одигран во нашиот главен град, а нови два бода ќе бидат од големо значење за исполнување на амбицијата – опстанок во елитата на регионалната кошарка.
„Пред нас е исклучително важен натпревар во борбата за остваруцање на примарната цел во АБА, а тоа е опстанокот. Играме добро во последно време, а формата е во нагорна линија. Ќе направиме се да ја искокристиме позитивната енергија и да пробаме да славиме во Беглрад“, вели Дастин Вер.
МЗТ Скопје досега не се прослави во гостувањата кај Мега. Во петте одиграни натпревари во Белград бодовите остануваа на домашен терен, a најблиску до победата „сино-белите“ беа на отварањето на сезоната 2014/15 кога српскиот тим во составот го имаше Никола Јокиќ, но шоуто му припадна и на Марко Симоновски кој реализираше девет обиди за три поени.
View this post on Instagram
Во драматичен финиш Цинцадзе имаше шанса да го доведе македонскиот тим во минимално водство на 18 секунди до крајот на средбата, но Грузиецот промаши во вториот обиди од линијата, натпреварот заврши во дополнителни пет минути во кои сепак победата остана на домашен терен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
