Тренерот на Барселона Шарунас Јасикевичиус се најде на удар на шпанската јавност откако излезе негово видео од ноќен клуб во Атина.
Имено, по поразот од Олимпијакос во вторникот вечерта, тренерот на Барселона ден подоцна е снимен како се забавува на настапот на познатата грчка пејачка Ана Виси.
Јасикевичиус, кој голем дел од својата играчка кариера мина во Грција како член на Панатинаикос, беше придружуван од сопругата Ана Дуке-Јасикевичиус, како и неколку членови на стручниот штаб.
Наводно, целата екипа добила слободен ден во средата, а експедицијата останала во Атина до четврток, кога се преселиле во Истанбул, каде во петокот играле против Фенербахче.
Барселона ги загуби двата меча во двојната понуда неделаваа од Евролигата и моментално се наоѓа на третото место на табелата со скор од 18-10.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
