Дани Себаљос моментално ја игра сезоната на својата кариера. Пред само неколку месеци тој не беше споменат во разговорите кои вклучуваа формирање на средниот ред на Реал Мадрид со легендите на клубот Лука Модриќ и Тони Крос.
Откако Себаљос не се најде во тимот на шпанската репрезентација која отиде на Светското првенство во Катар, се чинеше дека неговата кариера ќе тргне во надолна линија. Сепак, тој почна да игра брилијантно и направи навивачите да бараат негово останување во клубот.
Исто како Модриќ и Крос, така и Себаљос е меѓу играчите на Реал со договор до крајот на сезоната, а овие двајца ги спомена како примери со кои може уште повеќе да се развива.
За шпанските медиуми тој зборуваше за продолжувањето на договорот и за тоа како е чувството да се игра со мајстори како Лука и Тони Крос.
„Не сакам продолжување на договорот ако не го заслужам тоа. Имам уште три месеци и сакам да играм, а потоа ќе седнам со мојот агент и со семејството и ќе ја донесам најдобрата одлука. Моја желба е да останам, но сакам клубот да одлучи дали вредам или не. Модриќ дојде во Мадрид кога имаше 26 години. За мене е мотивирачки да играм со таква легенда. Се надевам дека ќе имам барем 50 проценти од неговата кариера, индивидуално и на тимско ниво. Тој мора да биде пример. Два месеци играм добро, а Лука и Тони се на највисоко ниво 10 или 12 години“, заклучи Себаљос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
