Откако вчера Македонија ја совлада Малта во првиот квалификациски меч, сега следува пријателската со Фарски Острови во понеделник.
Јасно е дека на тој меч Македонија нема да биде комплетна, со оглед дека неколкумина ќе бидат на поштеда, а и клубовите ќе бараат да не играат за да се избегнат несакани повреди.
Еден од оние кои ќе ги нема е голманот Столе Димитриевски кој веќе денеска ќе се врати во Мадрид, и порано на обврските со својот клуб Рајо Валјекано. На мечот во понеделник ќе го нема и Аријан Адеми, кој заработи повреда на последниот тренинг пред Малта.
Денеска ќе биде познато дали ќе има и други поштеди, но јасно е дека Македонија ќе изгледа сосема поинаку во понеделник. Дуелот се игра во 18:00 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
