Давиде Анчелоти, синот на тренерот на Реал Мадрид Карло, и член на стручниот штаб на „кралевите“, го напушта клубот. Тој наводно добил понуда да се проба како главен тренер, и токму од тука ќе го напушти својот татко.
Тој во 2012 година стана дел од стручниот штаб на Анчелоти во ПСЖ, каде што беше кондициски тренер, а веќе 11 години е со својот татко. Сега ја извршува функцијата прв помошник.
Овој 33-годишен тренер се поврзуваше со Евертон, но тогаш го одби повикот од Гудисон. Сега наводно Давиде одлучил дека е време за исчекор и да почне самостојно да работи, а со тоа да ги следи чекорите на својот татко. Наводно Давиде на крајот на сезоната ќе го преземе тимот на швајцарски Базел.
Двете страни биле договорени, и од идната сезона ќе стартува соработката меѓу Италијанецот и швајцарската екипа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
