Шпанскиот тенисер Рафаел Надал најверојатно ќе го пропушти следниот турнир во Барселона, а во моментов не е премногу реално да учествува на Мастерсот во Мадрид, пренесува „Ас“.
Надал се здоби со повреда на Австралија опен и оттогаш нема одиграно ниту еден натпревар. Според шпанскиот весник, 90 отсто го пропушта турнирот во Барселона од серијата 500.
Што се однесува до учеството на Мастерсот во Мадрид, тоа е се уште под знак прашалник. Надал заработи повреда на колкот во второто коло на Австралија опен против Мекензи Мекдоналд.
Тој претрпе пораз и тоа му беше последен натпревар. Неодамна се врати на тренинзите, но сепак реши да го пропушти Мастерсот во Монте Карло каде освои 11 трофеи. Се покажа дека тоа не е само мерка на претпазливост и дека му треба уште време за целосно закрепнување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
