Кире Лазаров беше видно разочаран откако неговиот тим Алкалоид претрпе минимален пораз од Еурофарм Пелистер, не успевајќи да го повтори подвигот од историскиот триумф над Вардар.
Македонската ракометна легенда сепак е убедена дека неговиот млад тим ќе извлече поука од овој пораз, искуство што ќе биде драгоцено за во иднина.
„Мене ми е драго што еве и кога ќе загубиме, губиме многу тесно со ривал како Еурофарм Пелистер, со квалитетни играчи ширум Европа и целиот свет. Мислам дека на крајот пресуди искуството, бевме блиску… не велам дека победата на Еурофарм не е заслужена, напротив, јас им честитам, но немаше да биде незаслужено и доколку конечниот исход беше поинаков. Од ваков пораз дефинитивно може многу да се научи, многу ни значат вакви натпревари против силни ривали, гледате дека и целокупното првенство е максимално интересно, што е одлично за македонскиот ракомет. Со вакви силни и неизвесни натпревари, македонските играчи можат уште повеќе да напредуваат“, изјави Кире Лазаров.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
