Воска ќе го пречека Вардар во неделното големо дерби во Втората лига, меч што според одлуката на охридскиот тим ќе се одигра без присуство на публика.
Тренерот Берат Имери е свесен за значењето на овој дуел, порачувајќи им на своите избраници дека само со максимален ангажман од првата до последната минута може да стигне до посакуваниот резултат.
„Пред нас е многу тежок натпревар, меѓу два тима кои сакаат да стигнат до првото место и да обезбедат пласман во Првата лига. Ние се подготвувавме максимално за овој дуел и верувам дека со максимален ангажман на сите фудбалери можеме да стигнеме до трите бода. Мораме да бидеме внимателни, смирени, да играме добро и во нападот и во одбраната, да бидеме на ниво од првата до последната минута. Ако го исполниме сето ова, можеме да стигнеме до победата“, изјави Имери.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
