Екипата на Воска спорт речиси се промовираше во нов прволигаш на Македонија откако во дербито на 25. коло од Втората фудбалска лига триумфираше со 2-1 против Вардар во повеќе од драматичен натпревар на стадионот наа СРЦ „Билјанини извори“ во Охрид.
Воска до победата дојде благодарание на два гола во судиското продолжение откако Вардар и со играч помалку одржуваше предност од 0-1 се до последните секунди од средбата.
Вардар играше со фудбалер помалку по исклучувањето на Мишковски во 32. минута. Но, и покрај тоа, во 41. минута гостите дојдоа до предност со голот на Папули.
Сепак, кога се чинеше дека црвено-црните ќе ја однесат победата, најпрво Јашароски во 91. минута донесе израмнување за Воска на 1-1.
А, потоа само што се тргна од центарот…, во 93. минута Ермедин Адем постигна гол за 2-1 и победа на Воска која го однесе на шест бода предност пред Вардар на врвот од табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
