Еден од најдобрите македонски фудбалери, Елиф Елмас уште еднаш е херој на Наполи за триумф во големата дерби-пресметка против Јувентус во Торино во 31. коло од Серија А.
Елмас во игра влезе во 68. минута од натпреварот на местото на Лозано, а во третата минута од судиското продолжение низ извонредна акција сервираше погодок за Распадори за триумф од 0-1.
Јувентус претходно, пак, постигна и погодок, но беше поништен по ВАР-реакцијата. Во 83. минута Анхел Ди Марија постигна убав гол, но по прегледување на ВАР-системот главниот судија се одлучи да го поништи поради претходен прекршок на домашните фудбалери.
🚨🚨| CHANCE: Angel Di Maria puts the ball in the net but it has been disallowed!
Juventus 0-0 Napoli.
pic.twitter.com/ZgPlCzNne8— CentreGoals. (@centregoals) April 23, 2023
Наполи цврсто чекори кон титулата во Серија А, со 17 бода предност во однос на второпласираниот Лацио, а цели 19 бода предност во однос на Јувентус кој е на третата позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА