Членовите на ФК Партизан фудбал кидс од Скопје изминативе денови учествуваа на исклучително силниот меѓународен турнир „Чин Чин Куп 2023“ на Златибор, Србија, во конкуренција уште на околу 120 клубови од Србија, Хрватска, Црна Гора, Босна и Херцеговина, Бугарија, Унгарија…, и уште неколку европски земји.
ФК Партизан фудбал кидс – Скопје учествуваше со четири генерации од 2010, 2011, 2013 и 2014 година притоа забележувајќи одлични резултати. Најголем успех имаа генерацијата 2010 и 2014. Генерација 2010 заврши на одличното трето место на турнирот.
„Важно е да се напомене дека оваа генерација имаше исклучително јак противник во полуфиналето а тоа е Црвена Звезда и финалниот резултат беше нерешено. Со ова можеме да кажеме дека оваа генерација е една исклучително талентирана и квалитетна. Се разбира истото го потврдуваме и за генерација 2014 која што е составена од исто така талентирани деца“ – велат од ФК Партизан фудбал кидс – Скопје.
Генерацијата 2014 одигра пет натпревари без ниту еден пораз, но во полуфиналето се бореше со великанот на Србија, ФК Партизан од Белград, и за жал загуби на крајот завршувајќи на четвртото место на меѓународниот турнир во Златибор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
