Дисциплинската комисија при Евролигата ги одреди казните за кошаркарите кои беа дел од големиот инцидент во финишот од мечот Реал Мадрид – Партизан.
Српските медиуми најпрвин ги обелоденија казните на „црно-белите“, преку извори од клубот, по што е јасно дека АБА-лигашот ќе биде драстично ослабен на наредните натпревари што треба да се играат во Белград.
Кевин Пантер е казнет со два меча неиграње поради удирањето на неколку противнички кошаркари, додека Матијас Лесор е суспендиран на еден натпревар, што значи дека ќе го пропушти првиот од двата меча за кои е предвидено да се играат во Белград во текот на наредната седмица.
Згора на тоа, Данте Егзум поради повреда речиси сигурно ќе ги пропушти овие натпревари, по што е јасно дека Партизан ќе биде „осакатен“ во обидот на домашен терен да стигне до третата победа која ќе значи и учество на фајналфор турнирот од Евролигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
