Екипата на Работнички откако е сигурна на табелата и го обезбеди својот опстанок, а шансите за излез во Европа се загубени, во финишот на првенството ќе се обиде да собере што повеќе бодови, и да се искачи погоре на табелата.
„Романтичарите“ сезонава претрпеа многу измени, како во играчки, така и во промени во стручниот кадар, а денеска во Кавадарци ги чека дуел против Тиквеш, кој и натаму има математика за четвртото место на табелата.
Младиот стопер на Работнички, Стефан Деспотовски посакува една долга серија на победи во финишот на првенството, и пласман што погоре на табелата.
„Одиме на победа, како и на секој натпревар. Позицијата на табелата ни е сигурна, но зошто да не одиме уште погоре на табелата. А, тоа е можно само со бодови и со победи од последните натпревари. Да дадеме максумум и да покажеме дека Работнички вреди. Ако го спроведеме она што го работиме на тренинзите, зошто да не оствариме победа“, изјави Деспотовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
