Коло на гостите во 30-та рунда натпревари во Првата македонска фудбалска лига. Сите четири гостински победи на денешните четири натпревари од елитниот шампионат, од кои секако за издвојување главно е победата на Струга ТЛ од 0-3 на гостувањето против Брегалница во Штип со која се задржа на +5 бода предност во однос на второпласираната Шкендија во трката за титулата.
Струга ТЛ уште во раната фаза, во 9. минута со голот на Малески дојде до предност од 0-1.
Во 45. минута Бесарт Ибраими погоди директно од слободен удар, со помош и на несигурната интервенција на Денковски, за 0-2 на полувремето.
Во 48. минута Радески искористи грешка во одбраната на домашните за поставување на конечните 0-3.
Работнички победи со 1-3 на гостувањето против Тиквеш во Кавадарци. За 0-1 погоди Маркоски во 21. минута, а Гандо во 41. минута заокружи за 0-2. Третиот погодок следеше во второто полувреме за конечна победа на „романтичарите“, а домашните преку Ивановски во финишот само постигнаа почесен погодок.
Шкупи се уште се надева дека може да ја одбрани титулата, иако ќе биде повеќе од тешко, по победата од 0-2 на гостувањето против Силекс во Кратово.
Чаирчани резултатот го отворија во 51. минута со голот на Цефас, а Алварез постигна еврогол од слободен удар во 69. минута за конечните 0-2.
Сосема очекувано, пак, Скопје убедливо со 0-4 триумфираше на гостувањето против прилепска Победа која од следната сезона се сели во Втората лига.
РЕЗУЛТАТИ – 30. КОЛО
Штип: БРЕГАЛНИЦА – СТРУГА ТЛ 0-3
Малески 9′, Ибраии 45′, Радески 48′
Кратово: СИЛЕКС – ШКУПИ 0-2
Цефас 51′, Алварез 69′
Прилеп: ПОБЕДА – СКОПЈЕ 0-4
Омерагиќ 35′, Тодоров 37′, Хајдари 74′, Даци 79′
Кавадарци: ТИКВЕШ – РАБОТНИЧКИ 0-3
Ивановски 90′ – Маркоски 21′, Гандо 41′, Велкоски 70′
АК. ПАНДЕВ – слободна
ВЧЕРА
Тетово: ШКЕНДИЈА – МАКЕДОНИЈА ЃП 3-1
Милев 8′, Чинари 35′, Рамадани 68′ – Фазли 38′
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
