Кошаркарите на ЦСКА Москва предводени од македонскиот тренер Емил Рајковиќ, неочекувано останаа без финале во ВТБ лигата, откако во седмиот решавачки натпревар од полуфиналниот плеј-оф загубија од Локомотив Кубањ.
Во „мајсторката“ за место во финалето, ЦСКА загуби со 103-100 по едно одиграно продолжение.
Тимот на Рајковиќ имаше предност по првото полувреме од 47-39, но Локомотив Кубањ со пресврт се избори за продолжение кое го доби со 18-15.
Во победничките редови најдобар беше Окаро Вајт со 21 поен, а на спротивната страна Швед со 22 поени.
Локомотив Кубањ во финалето ќе игра против Зенит или Уникс Казан на нашиот репрезентативец Ненад Димитријевиќ. И овие две екипи ќе играат седми решавачки меч во вторник.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
