Белгиецот Лука Бресел е новиот светски шампион во снукер откако во финалето во митскиот „Крусибл“ театар славеше над четирикратниот шампион Марк Селби со 18-15.
Иако Бресел имаше предност од 16-10, Селби успеа да намали на 16-15, но искусниот Англичанец немаше сила за ништо повеќе.
Бресел е првиот светски шампион кој доаѓа од континентална Европа, а на патот до титулата ги совлада Рони О’Саливен и Марк Вилијамс, а во полуфиналето успеа да надокнади негатива од 14-5 против Кинезот Си.
До годинава Бресел во шест обиди ниту еднаш не успеа да го мине првото коло.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
