Дарко Чурлинов е многу блиску до камбек во Шалке, откако германскиот прволигаш ги почна преговорите со Барнли за да го врати македонскиот репрезентативец назад во Гелзенкирхен.
Неговиот соиграч Салазар пред неколку дена објави видео дека „Чурлинов е назад во градот“, додека „Скај Германија“ обелодени дека Шалке веќе преговара со Барнли. Англискиот клуб не му даде преголема шанса за докажување на Македонецот во Чемпионшип, а сега кога е обезбеден влез во Премиер-лигата се сочува минутажата на Чурлинов да биде уште полимитирана.
Поради ова, Барнли е подготвен да го пушти Македонецот да си замине од клубот. Преговорите со Шалке се за позајмица на една година, со клаузула за задолжителен откуп на крајот од следната сезона, а Чурлинов е подготвен за камбек во таборот на „сино-белите“. Дури и доколку Шалке испадне од првата Бундес-лигата, тоа нема да го промени ставот на македонскиот офанзивец, кој лани помогна тимот да влезе од втора во прва лига и сега е повторно подготвен за иста битка во дресот на „сино-белите“ од Гелзенкирхен.
Darko #Churlinov ist zurück! Er wird wohl zum Sommer zu Schalke 04 zurückkehren #S04 #Schalke04 pic.twitter.com/sPdWoDilGV
— THOMAS REIS SZN (@thomasreis_szn) April 30, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
