Кошаркарите на ЛА Лејкерс направија „брејк“ против Голден Стејт во првиот меѓусебен натпревар во полуфиналната серија во Западната конференција на НБА Лигата. „Езерџиите“ славеа на крајот со 117-112. Голден Стејт беше единствен тим кој остана во плеј-офот кој избори пласман во следната фаза преку „мајсторка“, па можеби уморот е причината за поразот.
После „егалот“ во големиот дел од првиот дел, клучната предност Лејкерс ја направија во третиот период. Тогаш Леброн и соиграчите резултатски сериозно се одлепија од противникот. Уште една серија гостите имаа и во четвртатата четвртина, кога после поените на Џејмс и на Дејвис, беше +10, но тројките на Томсон и Пол, и поените на Кари го вратија Вориорс во живот, а гостинските играчи беа без поен речиси 5 минути.
Но, потоа пад на Голден Стејт и два нерелизирани напади. Се играше последната минута, а Лејкерси имаа три поени предност и напад, па го „затворија“ мечот. Дејвис постигна 30 поени, 23 скока и четири блокади, додека Леброн Џејмс додаде 22 поени.
The handles
The lob
The JAM pic.twitter.com/oJXSgDA3l0— Los Angeles Lakers (@Lakers) May 3, 2023
Њујорк спречи двоен брејк на Мајами и го добија вториот дуел со 111-105, израмнувајќи во серијата на 1-1. Клученб беше Џален Брансон кој одигра одличен меч и уфрли 30 поени. Мајами играше без Џими Батлер кој се повреди во првиот меч, но и без него Мајами долго време беше во игра за победа во вториот меч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
