Македонските кикбоксери со 37 медали од Европскиот куп „Сараево 2023“, признание за животно дело за Дејан Митровски – Урко (ФОТО)

Mакедонската кикбокс репрезентација викендов настапи на ВАКО Европскиот кикбокс куп „Сараево опен 2023” за сите дисциплини и возрасти (поинт фајт, лајт контакт, кик лајт, лоу кик и К1) – за деца, кадети, јуниоти и сениори.

На овој престижен кикбокс натпревар учествуваа 499 натпреварувачи во 639 натпреварувачки влезови од 112 клубови од 14 држави. Нашата репрезентација беше составена од 60 натпреварувачи во 64 натпреварувачки влезови, тренери, судии и организациски тим од 12 македонски кикбокс клубови членки на КМФМ.

Во вкупниот пласман нашата репрезентација е шестопласирана со освоени вкупно 37 медали – 4 златни, 10 сребрени и 23 бронзени медали.

Во склоп на овој куп се одржа и купот “GRAND PRIX BIH 2023 BEGINERS AND YOUNGER CADETS KICK LIGHT – LIGHT CONTACT” за почетници и помлади кадети на кој учествуваа и 9 наши натпреварувачи од 3 кикбокс клубови и на истиот нашите млади кикбокс почетници освоија 8 медали – 5 сребрена и 3 бронзени.

„Учеството на овој меѓународен европски куп е од исклучителна важност за нашата репрезентација, бидејќи истиот претставува настан од широки размери и можност за што поголема афирмација на македонскиот кик боксот како спорт, но и на спортот воопшто. Овој европски куп е од големо значење за нашите натпреварувачи и како тест да видиме до каде сме и да стекнеме нови искуства со подобри натпреварувачи кои доаѓаат на ваквите силни собири. Во БиХ секогаш нашата репрезентација е пречекана срдечно и имаме одлична соработка со нивната федерација и клубовите тамошни. Јас како претседател површно сум задоволен од успехот кој можеше да биде многу поголем. Во прашање е работата на тренерите, тренингот на борците и среќата. Но сепак добро поминавме и донесовме 37 медали за Македонија. Сите борци покажаа спортска борбеност и пожртвуваност од кои морам да ја издвојам Марија Димовска која двете борби во лоу кик ги победи со голема доминација и предност, а втората и со прекин. Таа е помлад јуниор се боресе во +60кг и иако најмлада е најголем потенцијал од девојките која не прифаќа пораз и се бори како востинска лавица во рингот“ – изјави претседателот на КБМФМ, Дејан Митровски – Урко, и дополни:

„Овие европски купови се големи кикбокс настани на кои имаме можност за врвна размена на искуства, настапуваат голем број на противници во сите дисциплини и категории и секако се купови на кои се собираат поени и влијаат на рејтингот на натпреварувачите. Истакнуваме особена благодарност до сите натпреварувачи, тренери и до нашиот позадински тим за поддршка во организацијата и секако упатуваме јавна благодарност до Агенцијата за млади и спорт на РМ, Македонскиот олимписки комитет и Државна видео лотарија за финансиската поддршка“.

Претседателот Дејан Митровски-Урко од организаторот на турнирот, каде секоја година Македонија учествува со огромен број натпреварувачи, доби и благодарница и трофеј за допринос и развој на кик боксот во Босна и Херцеговина за животно дело.

Митровски оствари и средба со Иштван Кирели, претседателот на Европската кик бокс WАКО федерација, на која беше разговарано за развојот на Балканската федерација и беа разменети предлози и стратегии со силна поддршка за понатамошниот нејзин развој под водство на Дејан Митровски – Урко.

РЕЗУЛТАТИ – ОСВОЕНИ МЕДАЛИ:
Златни медали:
1. Теа Петреска – KL J F -70 kg – КБК МАКСАМ ФАЈТ – Прилеп
2. Митко Ашкилов – KL S M -89kg – КБК КОМБАТ – Радовиш
3. Леа Бошевска – KL S F -50kg – КБК САМУРАЈ – Битола
4. Марија Димовска – LK YJ F +60kg – КБК ЕНЕРЏИ – Битола

Сребрени медали:
1. Давид Стоименовски – LC S M -74 kg – КБК АС – Делчево
2. Андреј Смилевски – KL J M -69 kg – КБК МАКСАМ ФАЈТ – Прилеп
3. Михаил Ситковски – KL J M -63 kg – КБК ЕНЕРЏИ – Битола
4. Петар Ѓорѓиевски – KL J M +94 kg – КБК БУДО – Велес
5. Евгенија Митревска – KL Ј F -70kg – КБК САМУРАЈ – Битола
6. Александар Василевски – KL S M -63kg – КБК РАБОТНИЧКИ АДОРА – Скопје
7. Давид Стоименовски – KL S M -69 kg – КБК АС – Делчево
8. Славе Делиовски – KL S M -79 kg – КБК ТИМ ЗОРАН – Струмица
9. Тијана Гичова – KL S F +70kg – КБК ТИТАН ПРО – Скопје
10. Олгица Орешкова – LК S F -52kg – КБК БУДО – Кавадарци

Бронзени медали:
1. Викторија Спасеска – PF YC F -32kg – КБК – КБК БУДО – Велес
2. Павел Стојчевски – PF J M -69kg – КБК АС – Делчево
3. Павел Стојчевски – LC J M -63kg – КБК АС – Делчево
4. Андреј Митков – LC OC M -47kg – КБК АС – Делчево
5. Вилијам Трајковски – KL OC M -47kg – КБК ПРЕДАТОР – Куманово
6. Макс Спасовски KL OC M -52kg – КБК ПРЕДАТОР – Куманово
7. Глигор Николов – KL OC M -63kg – КБК РАБОТНИЧКИ АДОРА – Скопје
8. Дарио Спасовски – KL OC M -69kg – КБК ТИТАН ПРО – Скопје
9. Антонио Ивковиќ – KL OC M +69kg – КБК ТИТАН ПРО – Скопје
10. Танкица Коцева – KL OC F -50kg – КБК ТИМ ЗОРАН – Струмица
11. Марио Алексов – KL J M -63 kg – КБК ГЛАДИЈАТОР ФАЈТ – Штип
12. Александар Делиовски – KL J M -69 kg – КБК ТИМ ЗОРАН – Струмица
13. Александар Ивановски – KL J M -69 kg – КБК КОМБАТ – Радовиш
14. Игор Крстиќ – KL J M -74 kg – КБК ПРЕДАТОР – Куманово
15. Матеј Рипилоски – KL J M -84kg – КБК ТИТАН ПРО – Скопје
16. Бојан Ристевски – KL J M -84kg – КБК ЕНЕРЏИ – Битола
17. Виктор Ифтимов – KL J M -94kg – КБК БУДО – Кавадарци
18. Анастасија Јанческа -KL J F -60kg – КБК МАКСАМ ФАЈТ – Прилеп
19. Марија Чатлеска – KL J F -55kg – КБК МАКСАМ ФАЈТ – Прилеп
20. Бену Шахин – KL J F -55kg – КБК ТИТАН ПРО – Скопје
21. Антонио Митрески – KL S M -84 kg – КБК МАКСАМ ФАЈТ – Прилеп
22. Медин Ахмети – LK S M-71kg – КБК РАБОТНИЧКИ АДОРА – Скопје
23. Орхан Љамадари – LK S M-91kg – КБК РАБОТНИЧКИ АДОРА – Скопје

Резултати “GRAND PRIX BIH 2023 BEGINERS AND YOUNGER CADETS KICK LIGHT – LIGHT CONTACT”:
1. Дамајан Ивановски – PF CH BEG M -24kg – сребрен медал – КБК РАБОТНИЧКИ АДОРА – Скопје
2. Сара Стојановска – KL ОC BEG F -55kg – сребрен медал – КБК ГЛАДИЈАТОР ФАЈТ – Штип
3. Викторија Спасеска – KL YC F -32kg – сребрен медал – КБК БУДО – Велес,
4. Антонија Тасева – KL YC F -47kg – сребрен медал – КБК ГЛАДИЈАТОР ФАЈТ – Штип
5. Мартина Јовановска – KL YC F -47kg – сребрен медал – КБК РАБОТНИЧКИ АДОРА – Скопје
6. Мерт Рамадановски – KL YC М -37kg – бронзен медал – КБК ГЛАДИЈАТОР ФАЈТ – Штип
7. Алексеј Колароски – KL YC М -47kg – бронзен медал – КБК МАКСАМ ФАЈТ – Прилеп
8. Борис Колев – KL YC М +47kg – бронзен медал – КБК КОМБАТ – Радовиш