Ракометните репрезентативци на Македонија ќе имаат чест да бидат дел од неверојатен спектакл на стартот од претстојниот европски шампионат што ќе се одржи во јануари 2024, што „црвено-жолтите“ ќе го почнат со настап на фудбалски стадион.
Поточно, организаторите решија првите натпревари од групата А да се играат на арената „Меркур Шпил“ во Дизелдорф, фудбалски стадион со капацитет од над 50.000 места. ЕВРО 2024 официјално ќе биде стартувано со дуелот меѓу Германија и Швајцарија, на кој се очекува трибините да бидат полни и да биде поставен нов светски рекорд за посета на еден ракометен натпревар.
Веднаш потоа се очекува на мегдан да излезат ракометарите на Македонија и на Франција, кои исто така пред голем број на ракометни фанови ќе бидат дел од вториот дел од овој ракометен спектакл во Дизелдорф.
Според програмата, останатите натпревари од оваа група А ќе се играат во Берлин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
