Феноменалниот португалски офанзивец Рафаел Леао потпиша нов договор со Милан кој за тимот од „Сан Сиро“ го врзува до јуни 2028 година. Леао доби плата од пет милиони евра, а отштетната клаузула е поставена на 175 милиони евра.
И покрај огромниот интерес од неколку европски гиганти, одличниот 23-годишен крилен офанзивец се одлучи за продолжување на соработката со „росонерите“ под нови подобрени финансиски услови. Потпиша нов петгодишен договор, а ќе заработува пет милиони евра годишно плус бонуси.
Имаше Португалецот и подобри финансиски услови на маса, но се одлучи да остане во Милано затоа што е неприкосновен миленик на навивачите на италијанскиот гигант. Член е на Милан од август 2019 година каде пристигна од Лил за сума од 35 милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
