Македонскиот репрезентативец Ти Џеј Шортс го доби најголемото индивидуално признание во кошаркарската Лига на шампиони. Шортс е прогласен за МВП на сезоната, признание кое го доби на специјална церемонија одржана денеска во концертната сала „Марија Кристина“ во Малага.
За сите добри познавачи на кошарката сосема очекувано е оваа нова индивидуална титула за Шортс ако се знае дека во текот на сезоната во дресот на Телеком Бон беше најдобар стрелец и играч со највисок индекс во Лигата на шампионите.
„Ова е едно прекрасно патување, вистински ролеркостер од емоции. Благодарен сум на сите кои ме поддржуваа и се надевам на добар натпревар против Хапоел во финалето“ – истакна Шортс, кого го очекува финалето на Ф4 во Лигата на шампионите кое се игра во Малага.
💗🏁 𝙁𝙧𝙤𝙢 𝙄𝙧𝙫𝙞𝙣𝙚 𝙩𝙤 𝘽𝙤𝙣𝙣 𝙩𝙤 𝙈𝙖𝙡𝙖𝙜𝙖 𝙖𝙣𝙙 𝙗𝙚𝙮𝙤𝙣𝙙: The Marathon continues for this year's #BasketballCL 𝐌𝐕𝐏, @TjShorts5! pic.twitter.com/H4NnCEWslw
— Basketball Champions League (@BasketballCL) May 13, 2023
Македонскиот репрезентативец досега просечно постигнуваше по 18,9 поени, 7,1 асистенции и 3,8 скока сезонава, а во вчерашното полуфинале против Уникаха беше најефикасен со 21 поен. Се очекува Шортс да биде прогласен и за МВП на завршниот турнир, ако неговиот Телеком Бон ја освои титулата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
