Тимот на Интер во финалето во Лигата на шампионите против Манчестер Сити, најверојатно ќе игра без својот стандарден член Хенрих Мхитарјан. Ерменецот се повреди на реваншот против Милан, и мораше да излезе пред крајот на полувремето. Инаку тој стана првиот ерменски играч кој се пласираше во финале на ЛШ, а воедно беше и еден од хероите на тимот со оглед дека погоди во првиот меч со миланскиот тим.
Од Интер објавија дека нема да игра на последните првенствени натпревари, како и во финалето на Купот на Италија против Фиорентина, но од клубот истакнаа дека се прават напори да се оспособи за финалниот меч.
Мхитарјан сезонава постигна пет голови и две асистенции во сите натпреварувања, а стартуваше во 11 од 12 меча во Лигата на шампионите. Го постигна вториот гол во победата од 2-0 во првиот меч, со кој го однесе својот тим на чекор кон финалето, кое го потврди Лаутаро Мартинез на реваншот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
