Ардијан Нухиу, како што претходно најави ЕКИПА, и официјално ќе биде именуван за нов тренер на Шкендија по оставката на досегашниот стратег Ќатип Османи.
Нухиу се очекува деновиве и официјално да биде промовиран како нов предводник на црвено-црните од Тетово кои ова лето ги очекува настапот во УЕФА Конференциската лига.
Според најавите, на Нухиу на клупата на Шкендија ќе му помага поранешниот тренер на Македонија ЃП и Шкупи, Муарем Бајрами.
Ардијан Нухиу, по одличните резултати со косовскиот прволигаш Дрита од Гњилане, сега го очекува нов предизвик во македонското првенство.
По именувањето на Нухиу, се очекува како нов фудбалер на Шкендија да биде промовиран и повремениот македонски репрезентативец Кристијан Тошевски, моментално играч на Тирана. Тошевски во минатото беше дел од Тетекс, Пелистер и Вардар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
