Ерик тен Хаг во првата сезона успеа да го врати Манчестер Јунајтед во Лигата на шампионите, но на холандскиот стратег му е јасно дека навивачите на гигантот од „Олд Трафорд“ очекуваат набрзо тимот да се бори за трофеи, наместо за трето и четврто место пред крајот на сезоната.
Многу работи дефинитивно ќе зависат од Маркус Рашфорд, големиот ас кој сезонава има 30 гола и 11 асистенции севкупно во сите натпреварувања, а Тен Хаг е убеден дека англискиот репрезентативец догодина ќе има уште подобри бројки зад своето име.
„Кога го гледате Рашфорд, тој имаше извонредна сезона, но јас забележувам и голем простор за напредок, така што сум убеден дека во следната сезона ќе има уште повеќе постигнати голови. Погледнете ги последните десетина натпревари, во кои постигна два-три погодоци… Секако дека сум среќен од неговата форма, само сетете се на нивото на кое беше лани и начинот на кој играше сезонава. Напредокот е огромен, но јас знам дека тој може да биде уште подобар. Рашфорд е способен да постигне 40 гола во една сезона, тоа е следниот чекор во неговата кариера“, изјави стратегот на Манчестер јунајтед.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
