Ракометарките на Вајперс Кристијансанд ја одбранија титулата во женската Лига на шампиони откако славеа во финалето на Ф4 турнирот во „Ласло пап“ арената во Будимпешта против домашниот Ференцварош со 28-24.
Норвежанките подобро го отворија натпреварот и на средината на првото полувреме стигнаа до плус пет (9-4). Домаќинките успеаја да се консолидираат и на пауза да заминат на само минус еден (14-13).
Вајперс на неверојатен начин го стартуваше и второто полувреме, па на една четвртина до крајот на мечот стигнаа до највисоки плус осум (24-16).
До крајот го исконтролираа мечот за трета титула во историјата на ова натпреварување. Вјахирева и Нес Андерсен со по шест гола беа најефикасни во победничкиот табор, а неверојатна на голот беше и легендарната Катрин Лунде која заврши со 16 одбрани и го зема признанието за МВП на завршниот турнир. Кај поразените по пет гола постигнаа Емили Болк и Андреа Лекиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
