Беатриз Хадад Маја испиша историја откако стана првата Бразилка што се пласирала во полуфиналето на Ролан Гарос, откако по голема битка славеше над Онс Жабер од Тунис со 2-1 во сетови.
Хадад Маја, која влезе на овој гранслем турнир како 14. носителка, се најде во негатива откако го загуби првиот сет со 3-6, но потоа по голема борба го доби тајбрејкот во вториот сет со 7-5. Отпорот на Жабер беше целосно скршен, Тунижанката веќе немаше сили да доминира на теренот, а бразилската тенисерка го искористи тоа и го доби решавачкиот сет со убедливи 6-1. Со тоа, Хадад Маја стана првата Бразилка што обезбедила полуфинале на гранслем турнир уште од Марија Буено, која се најде во Топ 4 на УС Опен во далечната 1968 година.
Првата носителка Ига Швијонтек продолжува со сигурни игри откако денеска славеше со 2-0 во сетови над Коко Гауф. Гауф парираше до 3-3 во првиот сет, Швијонтек успеа да се одлепи и да го добие сетот со 6-4, а потоа со импресивно издание во вториот сет да слави со 6-2, за место во полуфиналето каде ќе се сретне токму со Беатриз Хадад Маја.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
