Кошаркарите на Денвер за првпат во историјата ја освоија титулата шампион во НБА лигата, откако во петтиот натпревар од големото финале го совладаа Мајами со 94-89 и славеа со вкупни 4-1.
Српскиот центар Никола Јокиќ го предводеше Денвер до историски успех со 28 поени, 16 скока и четири асистенции за 42 минути на теренот и беше прогласен за МВП на финалето на НБА.
Титулата им ја честиташе и поранешниот американски претседател Барак Обама…
„Честитки до Денвер и извонредниот МВП на финалето, Никола Јокиќ, што го донесоа дома првиот НБА трофеј во историјата на франшизата“, напиша Обама на Твитер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
