Познат е македонскиот состав за вториот натпревар од квалификациите за ЕП 2024 против Украина кој вечерва од 20:45 часот се игра на националната арена „Тодор Проески“ во Скопје.
Македонија, како што се очекуваше, ќе напаѓа со Несторовски, Трајковски и Елмас во офанзивата.
Во средниот ред ќе бидат Ашковски, Барди, Адеми и Алиоски, а тројката пред голманот Столе Димитриевски ќе биде Муслиу, Зајков и капитенот Стефан Ристовски.
Македонија официјално од клупата ќе биде водена од Роберт Стојановски, помошникот на Благоја Милевски, поради казната на македонскиот селектор кој ќе мора да паузира еден натпревар по исклучувањето на претходниот натпревар со Малта.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
