Фудбалската репрезентација на Шпанија е освојувач на третото издание на Лигата на нации откако во финалето во Ротердам во трилер натпревар по изведување на пенали славеше над Хрватска со 5-4.
Еден тврд и тежок натпревар во кој и двата тима повеќе гледаат како да го заштитат својот гол, отколу да го загрозат другиот, па повеќе од реален исход е тоа што по 90 минути се уште стојат почетните 0-0.
Во финишот Шпанците беа за нијанса подобар противник, но своите шанси не успеаја да ги искористат Ансу Фати и Асенсио.
Во продолженијата и двете репрезентации имаа полушанси кои не ги искористија, па на крајот натпреварот замина во изведување на пенали.
Таму прво Ловро Мајер не успеа да реализира во четвртата серија, а Лапорт ја имаше меч-топката во петата серија, но ја погоди пречката, па трилерот во Ротердам продолжи. Во шестата серија промаши пенал и Бруно Петковиќ, а втората меч топка ја материјализираше Дани Карвахал за победа на Шпанија од 5-4.
bruno petkovic penaltıyı kaçırdı, kupayı kaybetti. çok sevdiği trabzonspor’una gelip, nicelerini kazanacak çünkü. pic.twitter.com/JdpOIT8pp6
— tese (@tesevideo5) June 18, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
