Третиот натпревар од финалната серија помеѓу Партизан и Црвена Звезда во АБА лигата го одбележа голем инцидент штом кошаркарите во „црно-бело“ се појавија на теренот. Тие беа нападнати од страна на домашната публика која ги навредуваше, плукаше и гаѓаше со запалки и шишиња.
По завршувањето на натпреварот со соопштение излезе и КК Црвена Звезда во кое за одговорни за инцидентот ги наведе „маскираните“ навивачи на друг клуб, но на социјалните мрежи веднаш се појавија снимки кои ги демантираа тврдењата на актуелниот шампион на АБА.
Еден од најзвучните во инцидентот е директорот на Телеком, Драшко Марковиќ кој беше затекнат од камерите како ги плука кошаркарите на Партизан, а притоа во рацете крева и столица која е подготвен да ја фрли кон нив.
— SportBot (@SportBot11) June 19, 2023
Интересно, фирмата за кој работи Марковиќ е еден од главните спонзори на КК Партизан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
