Португалскиот стратег Жозе Мурињо одлучи да го напушти Фудбалскиот одбор на УЕФА каде што беше член откако доби суспензија од четири меча поради расправијата со судијата Ентони Тејлор во финалето од Лига Европа.
УЕФА жестоко ги казни Жозе Мурињо и Рома поради инцидентите за време и по завршувањето на финалниот дуел од Лигата на Европа против Севилја.
„Волчицата“ го загуби тој меч на пенали, а Мурињо беше бесен на арбитражата на Ентони Тејлор, дури и чекајќи го англискиот судија на паркингот под стадионот, по што упати серија навреди на негова адреса.
„Заблагодарувајќи ви се за поканата што ми ја упативте да бидам член на Фудбалскиот одбор на УЕФА, со жалење ве информирам дека веднаш ќе се откажам од моето учество во оваа група. Вредностите во кои толку силно верував кога се приклучив повеќе не гледам дека постојат и чувствував обврска да ја донесам оваа одлука. Љубезно ве молам да ја пренесете мојата одлука и до претседателот на УЕФА, Александер Чеферин“ – се вели во пораката на Мурињо до Звонимир Бобан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
