Уште еден трофеј за Жељко Обрадовиќ во кариерата, овој пат освојувајќи ја титулата во АБА лигата со Партизан.
Па, не го криеше Обрадовиќ задоволството по синоќешната победа над лутиот ривал Црвена Звезда, истакнувајќи дека ова е титула на неверојатните навивачи на чии крилја црно-белите дојдоа до трофејот.
„Би тргнал од една работа, натпреварот беше во фантастична атмосфера и навивачите на Партизан се шампиони во секоја смисла. Оваа бројка на навивачи е фантастична слика и им благодарам на сите затоа што ги урнаа сите рекорди во една сезона… Покажаа дека ни веруваат во моментите кога имавме лош период, во Евролигата пред се, но и во еден момент во АБА лигата, и навистина им благодарам за тоа. Со нив ги постигнавме сите овие работи“ – рече Обрадовиќ притоа дополнувајќи:
„Им благодарам и на претседателот на клубот и на управниот одбор за нивниот огромен придонес во она што е денес Партизан и на луѓето од работната заедница без кои тоа не би било возможно и на мојот стручен штаб. Посочив и претходно дека ова е најдобриот тренерски штаб што некогаш сум го имал. Во секоја смисла. И јас сум им многу благодарен. Сето тоа не донесе до титулата која е мотив за понатаму“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
