Екипата на Струга ТЛ не прифати првиот меч против Жалгирис во првото квалификациско коло во ЛШ да го игра како домаќин, иако ждрепката беше прво да се игра во Литванија, а потоа во Македонија. Но, литванскиот шампион испрати барање до Струга за промена на домаќинството, поради тоа што во Вилнус на 11 и 12 јули се одржува самит на НАТО, и безбедноста во градот ќе биде качена на високо ниво.
Меѓутоа Струга ТЛ одговориле дека не го прифаќаат тоа, и сега официјално на 11 јули се игра првиот меч на теренот на Жалгирис, а реваншот е на 19 јули, најверојатно во Охрид.
„Направивме максимални напори да го смениме датумот на домаќинстовот, бидејќи сметавме дека тоа ќе беше корисно за двете екипи. Благодарност до УЕФА и до Литванската федерација за посредувањето, но нашиот противник не се согласи и сега мораме да се држиме според ждрепката. Бараме трпение и разбирање од сите додека се прилагодиме на вонредната ситуација. Поддршката од навивачите е важна, па ќе ги чекаме на стадионот“, изјави директорката на Жалгирис, Вилма Венсловаитје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
