Украинската тенисерка Марта Костјук во минатото го критикуваше Новак Ѓоковиќ и неговиот татко Срѓан, на темите поврзани со војната во нејзината земја и нападите од Русија.
„Колегите мора да разберат што се случува во Украина. Погледнете што зборуваат Ѓоковиќ и Надал. Како да добиете поддршка после такви изјави“ – се прашуваше 20-годишната Костјук пред неколку месеци издвојувајќи го и однесувањето на Срѓан Ѓоковиќ кој на Австралија Опен беше снимен со навивачите со руско знаме.
Сега, Костјук е снимена во друштво на Новак Ѓоковиќ. На официјалниот профил на Вимблдон е објавена снимка на која Марта се забавува со Ѓоковиќ, Горан Иванишевиќ и членови на неговиот тим.
По овие снимки дел од јавноста потсетува колку Марта беше критички настроена кон Ѓоковиќ, па дури и за време на неодамнешниот Ролан Гарос.
„Што и да кажам ќе ме мрзат до крајот на животот, посебно навивачите на Ѓоковиќ кои се многу агресивни. Луѓето тоа веќе го знаат, не сите, но многу од навивачите на Ѓоковиќ се агресивни и тоа јас сам лично сум го почувствувала“ – рече Костјук по завршувањето на Ролан Гарос кога одби да и пружи рака на белоруската тенисерка Арина Сабаленка.
Oh look Novak Djokovic playing and laughing with Ukranian tennis player Marta Kostyuk, but I thought according to some biased and vile western media and so-called tennis journalists and Fedal haters that he’s hated, unlikable and pro-russian. It seems Marta is not bothered. https://t.co/fqaUPq01jc
— . (@cestlaviemacher) June 27, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
