На состанокот на Бордот на Евролигата во Барселона беа потврдени учесниците во елитното натпреварување за следната сезона, а всушност списокот остана ист како и минатата сезона.
Следниве клубови следната сезона ќе играат во Евролигата: Алба, Анадолу Ефес, Армани Милано, АСВЕЛ, Баерн Минхен, Барселона, Басконија, Црвена Звезда, Фенербахче, Макаби, Олимпијакос, Панатинаикос, Партизан, Реал Мадрид, Валенсија, Виртус Болоња, Жалгирис.
Во последните неколку дена имаше сомнежи поради тоа што вицешампионот на Еврокупот сакаше премин во елитното натпреварување, бидејќи Гран Канарија одби да учествува, но специјални покани добија Црвена звезда, Валенсија и Виртус.
Исто така, суспензијата на руските клубови од натпреварувањето продолжува да важи во текот на сезоната 2023/24.
На споменатата средба беше договорена и промена на форматот на натпреварувањето во однос на плеј-офот. Најдобрите шест екипи директно ќе се пласираат во четвртфиналето, додека оние од шестото до десеттото место ќе играат плеј-ин за преостанатите две. Седмо и осмопласираниот во еден натпревар ќе ги решаваат учесниците во Топ 8 фазата, а поразениот потоа ќе игра со победникот од дуелот меѓу деветтото и десеттото место за последното место. Тимот со подобар скор ќе има предност на домашен терен на тие натпревари.
The previous season was the most competitive one in league history…
𝗟𝗘𝗧’𝗦 𝗥𝗨𝗡 𝗜𝗧 𝗕𝗔𝗖𝗞 🔁
The confirmed teams for the 2023-24 EuroLeague season👀 pic.twitter.com/DJp34B7cDv
— Turkish Airlines EuroLeague (@EuroLeague) June 29, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
