Интер осигура квалитетно засилување за средниот ред откако Давиде Фратези и официјално го потпиша договорот со „нероаѕурите“. Челниците на Интер го имаа „пикирано“ овој фудбалер како замена за Марсело Брозовиќ, по што по долги преговори конечно постигнаа целосен договор со Сасуоло, Фратези да ја игра сезонава како позајмен играч, но потоа следното лето Интер со загарантирана клаузула да палти 28 милиони евра за целосно да го откупи неговиот договор.
Потврдата за комплетирањето на трансферот на овој италијански репрезентативец пристигна и од спортскиот директор на Сасуоло, Џовани Карневали.
„Готово е, Фратези го потпиша договорот со Интер. Преговорите не беа лесни, имаше и други заинтересирани клубови, но пресуди желбата на фудбалерот да потпише токму за Интер. Ние му излеговме во пресрет и се договоровиме со овој клуб“, изјави Карневали.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
