Барселона реши да го намали буџетот за следната сезона, но нема дилема дека Каталонците ќе имаат силен тим кој ќе биде меѓу фаворитите за пласман на завршниот турнир и следната сезона.
Вили Хернангомез потпиша тригодишен договор со Барселона. Задачата за Каталонците да добијат одлично засилување не беше нималку лесна.
Имено, Реал Мадрид имаше право да го ангажира Хернангомез до 12. јули на полноќ, но кога тој не го стори тоа, Барса ја искористи шансата.
Гиљермо Густаво Вили Хернангомез е играч кој потекнува од помладите категории на Реал, а клубот го напушти во сезоната 2016/17 кога започна неговата НБА кариера. Тој беше драфтуван од Филаделфија, а играше и за Њујорк Никс, Шарлот Хорнетс и Њу Орлеанс Пеликанс.
За седум сезони во најсилната лига на светот одигра вкупно 344 натпревари, во просек постигнуваше по 7,2 поени, а имаше и 5,5 скока. На претходниот Евробаскет ја освои титулата со Шпанија, а ја понесе и титулата МВП на турнирот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
