Легендарниот германски фудбалер Мирослав Клосе вели дека не го разбира трансферот на српскиот репрезентативец Сергеј Милинковиќ-Савиќ во Ал Хилал во Саудиска Арабија.
Клосе вели дека такви трансфери се својствени за играчи на крајот од кариерите, но не и за оние кои се на врвот на своите кариери. Тој апсолутно не го оправдава тоа.
„Гледав натпревар од саудиската лига 20 минути вкупно. Толку издржав. Навистина не знам на кое ниво е фудбалот таму“ – вели Клосе и дополнува:
„Сепак, бројни играчи одат во таа земја. Ако сте на крај од кариерите како Роналдо и Бензема, тогаш има смисла. Но, ова што го направи Милинковиќ-Савиќ не го разбирам. Мислам дека тој имаше уште многу време за еден таков потег. Но, тоа е негова одлука“.
🗣️ Lazio, #Klose esclusivo: "Non capisco la scelta di Milinkovic"👇https://t.co/pX3BiVZMhu
— Corriere dello Sport (@CorSport) July 13, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
