Освојувачот на наградата за најкорисен играч на АБА лига за сезоната 2022/23, Лука Божиќ е желба на Партизан, пренесуваат регионалните медиуми. Зад Хрватот е нова одлична сезона во дресот на Задар во која бележеше просек од 22 поени, девет скокови и шест асистенции по натпревар.
Дваесетиседумгодишниот репрезентативец на Хрватска е голема желба на тренерот Жељко Обрадовиќ кој во крилниот играч гледа како замена на заминатиот Јанис Папапетру и како поддршка на американскиот интернационалец Зек Ледеј.
Доколку се реализира трансферот за Божиќ тоа ќе биде само втор интернационален предизвик откако во сезоната 2019/20 настапуваше за црногорскиот Будуќност.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
