Работнички од утре е на подготовки во Словенија. Екипата ќе се подготвува во Словенија 12 дена, а веќе ги закажа и четирите пријателски средби.
Претходно беше познато дека еден од ривалите на „романтичарите“ ќе биде тимот на Трабзонспор во кој настапува Енис Барди, а сега Работнички закажа контрола и со Ал-Етифак, во кој настапува екс играчот на тимот од Дебар Маало, Дарко Велковски, и тим кој е предводен од англиската легенда Стивен Џерард.
Серијата на контролни натпревари Работнички ја почнува со израелски Ашдод на 19 јули, а три дена подоцна е контролата со Бриње од Словенија. На 25. јули е закажан пријателскиот меч со Трабзонспор, додека со Ал-Етифак се игра на 27. јули, што ќе биде последен „тест“ пред враќањето од Словенија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
