Црвена Звезда го осигура потписот на еден од најперспективните европски таленти родени во генерацијата 2005. Станува збор за Никола Топиќ, син на поранешниот легендарен играч и тренер на „црвено-белите“ Миленко Топиќ.
Седумнаесетгодишникот кој настапуваше во младинските конкуренции на белградскиот гигант го потпиша својот прв професионален договор кој е со важност во следните четири години.
Топиќ неодмна блесна за евролигашко ниво во својата конкуренција настапувајќи на „Некст-ген“ турнирот каде постигна 49 поени предводејќи ја Црвена Звезда до завршницата во Каунас.
Со оглед на преполниот состав на Црвена Звезда која неодамна се засили со Теодосиќ, Шилдс и Силва на бековската линија, очекувањата се дека Топиќ следната сезона ќе настапува за Мега како позајмен играч.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
