Ромелу Лукаку ги разочара челниците на Интер, кои ги прекинаа преговорите со Челси откако дознаа дека тој почнал преговори и со лутиот ривал Јувентус, па поради повисоката понуда од „старата дама“ одби да ги финишира разговорите за камбек на „Џузепе Меаца“.
Директорот Марота објави дека сите преговори се прекинати, а на темата денеска се осврнаа и најверните навивачи на Интер, кои испратија порака до белгискиот голгетер.
„Не сакаме веќе да те видиме со очи, Лукаку. Сите не предаде. Секогаш те браневме во тежки моменти, а ти ни заби нож во грб. Се продаде на оној што ти даде најмногу пари, а го бакнуваше нашиот амблем. Ти не си вистински маж“, се вели во пораката на приврзаниците на „нероаѕурите“ до Ромелу Лукаку.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
