Одбојкарите на Полска се шампиони на овогодинешното издание на Светската лига, откако по голема борба славеа над селекцијата на САД со 3-1 во сетови. Домашниот терен во арената во Гдањск беше значаен фактор на патот до триумфот, па Полјаците бодрени од преполната арена беа најдобри кога беше најпотребно и стигнаа до победата.
Првите два меча минаа во израмнета битка, во првиот славеше Полска со 25-23, но Американците возвратија добивајќи го вториот со 24-26. Тоа беше се што американските одбојкари успеаја да сторат бидејќи Полјаците одиграа беспрекорно во следните два сета, добивајќи ги со идентични 25-18 на патот до златниот медал.
Третото место го освои Јапонија, откако „самураите“ славеа со 3-2 во малото финале против Италија, освојувајќи го првиот медал во историјата на оваа репрезентација во Светската лига.
Полска е еден од противниците на репрезентацијата на Македонија во групата Ц од ЕП 2023 што ќе се одржи во Скопје, заедно со селекциите на Холандија, Чешка, Данска и Црна Гора.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
