Актуелниот шампион Шпанија се пласираше во полуфиналето на Светското првенство во ватерполо откако во четвртфиналниот дуел славеше против Франција со 7-6.
Франција го имаше полуфиналето во свои раце, во текот на целиот меч беше поконкретна и подобар тим во базенот, на три минути пред крајот имаше и два гола предност, но не успеаја да ги сочуваат.
Шпанија ја искористи несигурноста на „троколорите“ во финишот и преку неколку брзи акции дојде до победата.
Во борбата за финале Шпанија ќе се соочи со Унгарија која ја победи селекцијата на САД со 13-12.
Во второто полуфинале ќе играат Србија и Грција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
